Siddhasara p454

p454

śallakī gaja-bhakṣyā ca saiva jñeyā vasu-sravā dhātrī cāmalakī jñeyā akṣaṃ caiva vibhītakam pathyābhayā ca vijñeyā pūtanā ca harītakī tri-phalā phalam evoktaṃ tac ca jñeyaṃ phala-trayam aralur dīrgha-vṛntas ca kaṭvaṅgaś ceti kīrtitaḥ yaṣṭī yaṣṭy-āhvam evoktaṃ madhukaṃ madhu-yaṣṭikam dhātakī tāmra-puṣpī syāt samaṅgā gaṇḍa-kālikā sitam malaya-jaṃ śītaṃ go-śīrṣaṃ śveta-candanam vidyāt ku-candanaṃ vāpi dvitīyaṃ rakta-candanam kākolī ca smṛtā dhīrā payasyā cārka-puṣpikā śṛṅgī ca karkaṭa-śṛṅgī mahā-ghoṣā ca kīrtitā vāmśī tugā tukā-kṣīrī vijñeyā vaṃśa-rocanā mṛdvīkā ca smṛtā drākṣā tathā gostanaketi ca