Siddhasara p462

p462

rucakaṃ kṛṣṇa-lavaṇaṃ sauvarcalam udīritam kṣāro yavāgrajaś caiva yava-kṣāro vidhīyate svarjikā svarjikā-kṣāro dvitīyaḥ parikīrtitaḥ ūṣa-kṣāraṃ tu niḥsāraṃ ūṣam ūṣakam ādiśet tutthakaṃ śikhi-kaṇṭhābhaṃ vitunnakam iti smṛtam kāsīsaṃ dhātu-kāsīsaṃ khe-caraṃ tac ca kīrtitam dvitīyaṃ puṣpa-kāsīsaṃ śītalaṃ netra-bheṣajam saurāṣṭrī mṛttikā kākṣī tubarī ceti kīrtitā vidyān mākṣika-dhātuṃ ca tāpyaṃ tāpī-samutthitam śilā manaḥ-śilā jñeyā nepālī kunaṭīti ca alaṃ tat tālakaṃ cāpi hari-tālaṃ vinirdiśet gandhako gandha-pāṣāṇo rasaḥ pārada ucyate sauvīram añjanaṃ jñeyaṃ giri-mṛd gairikaṃ smṛtam