Brihadyogatarangini 69.13

69.13

hālāhalastālapatrākṛtirnīlapatro gostanākṛtiphalo'sitavarṇo
gostanākṛtiḥ kando bhavati | etatsaṃmīpe dūrato vṛkṣādayo notpadyante
ayaṃ ghrātamātro mṛtidaḥ
brahmaputrastu brahmaputranāmanadakaccheṣūtpadyate | palāśapatrasadṛśapatraḥ
palāśabījasadṛśaphalaḥ sthūlaḥ kando mahāprabhāvo rogahārī rasāyanakṛcca
hāridro haridrākṣetre haridrāpatrasadṛśapatro haridrāgranthisadṛśagranthirmahāprabhāvo rasāyanakṛcca bhavati
saktukastu saktukena ca pūrito'ntaḥ śveto lomalaḥ parvatadeśe samutpadyate
saurāṣṭrikaḥ surāṣṭradeśe jāyate | snehapūrṇaḥ kṛṣṇāgarusadṛśaḥ kacchapaśirovatsthūlaḥ kandaḥ parūṣakapatrasadṛśapatro mahāprabhāvaḥ
brāhmaṇaḥ pāṇḍurasteṣu kṣatriyo raktavarṇakaḥ
vaiśyaḥ pītaprabhaḥ śūdraḥ kṛṣṇābhaḥ sa tu ninditaḥ