Nitimanjari 6
Nītimañjarīṭīkā 6
- Language
- Sanskrit
6.3
paśuyāgaphalaṃ bruvannāha-
6.57
ta eva dhanyā ye paśunā nirūḍhāgnīṣomīyasavanīyaśūlagavādinā devān dyotamānān indrādīn yajante tarpayanti | kutaḥ | tribhirṛṇairṛṇavān jāyate devejyayā devānāmanṛṇā bhavantīti dhanyatvam | brāhmaṇe tathoktam | ‘tadyadupavasathe'gnīṣomīyaṃ paśumālabhate | ātmaniṣkrayaṇo haivāsyaiṣa te vātmānaṃ niṣkrīṇīyānṛṇo bhūtvā'tha yajate’ ityanṛṇatvamuktam ( kau0 brā0 10|3 ) | ta eva vaiṣṇavā viṣṇurūpe'gnau juhvatīti vaiṣṇavāḥ | viṣṇuragnirityuktatvāt | ata eva vaiṣṇavāḥ devāḥ paśunā kathaṃ hṛṣṭā bhavantītyāha-‘atha manotāmanvāha sarvā ha vai devatāḥ paśumālabhamānamupagacchante mama nāma grahīṣyatīti ’ brāhmaṇamuktam ( kau0 brā0 10|6 ) | evaṃ sati yadi śamituḥ viśasanakartuḥ nakhasthaṃ hastasthañca makṣikābhirāśritaṃ yadāmiṣañca taddeveṣṭaṃ bhavati | tarhi susaṃskṛtāmiṣasya kā kathā || asminnarthe dairghatamasī aśvastutau triṣṭub ṛk | (ṛ.1.162.9.)
vā | svarau̍ | sva'dhi̍tau | ri̱ptam | asti̍ | yat | hasta̍yoḥ | śa̱mitu̍ḥ | yat | na̱kheṣu̍ | sarvā̍ | tā | te̱ | api̍ | de̱veṣu̍ | a̱stu̱ |
64 ||