Acarasara (Gadadhara) 10.p323

10.p323

devalaḥ,– yaḥ svadārānṛtustrātān svasthaḥ sannopagacchati | bhrūṇahatyāmavāpnoti garbhampāpya vinaśyati || evaṃ cāsya cāndrāyaṇādiguruprāyaścittārhatvena “ṛtuṃ na gacchedvāryyāṃ yaḥ so'pi kṛcchrārddhamācare”diti vṛhaspatiruktirdeśāntarasthaviṣayā | ayamṛtukālavidhirapūrvvavidhiḥ, putrotpādanaphalaṃ pratyaprāptasya tadgamanasya śāstreṇa vidhānāt, niyamavidhestu nāśaṅkā, putrotpādane ṛtugamanasya pākṣikaprāpterabhāvāt | vijñāneśvaraistu niyama iti yaduktaṃ tatputrotpādanasya nityatvācca ṛtugamanamapi nityamityabhiprāyeṇa iti bodhyam | nāpi parisaṃkhyā, ṛtugamanasya putrotpādanaṃ prati prāpterabhāvāt | tathāca,– vidhiratyantamaprāptau niyamaḥ pākṣike sati | tatra cānyatra ca prāptau parisaṃkhyeti kīrttyate || evañca ṛtugamanaṃ sandhyāvandanādivannityam, dviātrimātragamanaṃ puruṣārtho brahmacaryyaphalārthatvāt, tena phalakāmanārirahe niṣiddhavarjaṃ yugmasavvairātrigamanaṃ putrārthinā kāryyaṃ, ekasyāṃ rātrau ekavāramiti ca putrotpādanavidhiśeṣatvānna pṛthak puruṣārthaḥ tena vahvīṣu ṛtumatīṣu sakṛtsaṅgamanamekarātrāvapyaviruddhaṃ, anṛtugamananiṣedhaśca strīkāmanārirahe, strīkāmanāyāṃ tu tatrāpyabhigamanaṃ nityaṃ utpannaputrasya tu na ṛtukālagamananiyamaḥ