Acarasara (Gadadhara) 3.p39

3.p39

vastrādīnāmalpopaghāte devalaḥ,-aurṇakauśeyakutapapaṭṭakṣaumadukūlakāḥ | alpaśaucā bhavantyete śoṣaṇaprokṣaṇādibhiḥ || paṭṭamatrāṃśu paṭṭaṃ, sastrīphalairaṃśu paṭṭaṃ iti yājñavalkyokteḥ, kauśeyapadena paṭṭaprāpteḥ, paṭṭopādānasya dviruktatvāpatteśca | kṣaumapadasyāpyupalakṣaṇaṃ, samānayonitvāt | punaḥso'pi | atyantaṃ malinaṃ pūrvvamadbhiḥ kṣārairviśodhayet | bṛhaspatiḥ,-vastravaidalacarmmādeḥ śuddhiḥ prakṣālanaṃ smṛtam | atiduṣṭasya tanmātraṃ tyajecchittvā tu śuddhaye || devalaḥ, -- tānyevāmedhyaliptāni kṣālayet sādhakaiḥ svakaiḥ | dhānyakalkestu phalajai rasaiḥ kṣārānugairapi || tāni aurṇṇādikāni | viṣṇuḥ, -- atyantopahataṃ sacca kṣālanena yanna virajyate tacchindyāt | śiṣṭaḥ, -- tadvanirmmālyasaṃsṛṣṭavastrāṇāṃ kṣāravāriṇā | devalaḥ,-tūlikāmupadhānañca raktapuṣpāmbaraṃ tathā | śoṣayitvātape kiñcit karaiḥ saṃmārjayenmuhuḥ || paścācca vāriṇā prokṣya niyuñjīta svakarmaṇi | tānyapyatimaliṣṭhāni yathāvatpariśodhayet