Acarasara (Gadadhara) 4.p44

4.p44

vāmahastasthite darbhe dakṣiṇe nodakaṃ pibet | raktapānasamaṃ jñeyaṃ prāyaścittīyate dvija || iti vacanāt | kevalaṃ vāmahastagate kuśa na jalapānaṃ kāryyam | ubhayatra sthite darbhe samācāmati yo dvijaḥ| somapānasamaṃ jñeyaṃ bhuṃkte yajñaphalaṃ tathā || iti tasyaiva vacanāt, samācārācca granthīrahitakuśadhāraṇaṃ madhyamānāmikayoḥ | yattu kātyāyanasūtram, sājye hastaikasādhye karmmaṇi vedopagrahaḥ, anyatra sopagrahaḥ, kuśaiścāsatsu | iti, asatsu vedasphyeṣu kuśopragrahavidhiḥ | idaṃ puruṣārthamapi kuśadhāraṇam | kuśahastaḥ sadātiṣṭhed brāhmaṇo dambhavarjjitaḥ | iti vacanāt | dhārayedityanuvṛttau manuḥ, — yajñopavītaṃ vedañca śubhe raukme ca kuṇḍale | atra vedaḥ kuśamuṣṭiḥ, tadgṛhyayajñādāvindriyopasparśanaṃ darbhairityādyupayogārthaṃ, tena vāmahaste kuśamuṣṭiḥ puruṣārthadhāraṇe