Acarasara (Gadadhara) 6.p14
Ācārasāra (Gadādhara) 6.p14
- Language
- Sanskrit
6.p14
abhivādyo namaskāryyaḥ pādayorvandya eva ceti, śātātapena pṛthagvāpadeśātpādayorvandanaṃ daṇḍavatpraṇāmaḥ | namaskāre'pi sopānatkādiparyudāso'bhivādyaviśeṣaparyudāsaśca | ayañca viśeṣaḥ,— uttamavarṇena nādhamavarṇasya namaskarttavyam | bhaviṣye,— brāhmaṇaṃ daśavarṣañca śatavarṣañca bhūmipam | pitāputrau vijānīyādbrāhmaṇastu tayoḥ pitā || brāhmaṇaḥ sarvvavarṇānāṃ svasti kuryyāditi śrutiḥ | yadi vipraḥ pramādena śūdramapyabhivādayet || abhivādya daśa viprāṃstataḥ pāpātpramucyate | jyeṣṭhaṃ kaniṣṭho yo mohāt svastivācaṃ karoti vai || jyeṣṭhasya harate sarvvaṃ duṣkṛtaṃ śatadhā kṛtam | āpastambaḥ,— trivarṣapūrvvaḥ śrotriyo'bhivādanamarhati || trivarṣajyeṣṭha ityarthaḥ, ato'lpakāle jyeṣṭhatvena namaskāre na doṣo na phalam | kaniṣṭhābhivādane doṣaḥ, gurvvādīnāṃ jñātisambandhibāndhavānāṃ muhūrttenāpi jyeṣṭhatve'bhivādyatvaṃ namaskāryyatvañca
Linked texts (6)
- Vaiṣṇava Dharmaśāstra — Viṣṇu, Sanskrit
- Mānava Dharmaśāstra — Manu & Bhṛgu, Sanskrit
- Kṛtyakalpataru — Lakṣmīdhara Bhaṭṭa, Sanskrit
- Indische Sprüche — Otto von Böhtlingk 1863, Sanskrit
- Nityācārapradīpa — Narasiṃha Vājapeyin, Sanskrit
- Nityācārapaddhati (Vidyākara vājapeyin) — Vidyākara vājapeyin, Sanskrit