Acarendu 2.p13

2.p13

tatra parāśaraḥtataḥ prātaḥ samutthāya kuryādviṇmūtrameva ca | nairṛtyāmiṣuvikṣepamatītyābhyadhikaṃ bhuvaḥ || manuḥna mūtraṃ pathi kurvīta na bhasmani na govraje | na phālakṛṣṭe na jale na cityāṃ na ca parvate || bṛhannāradīyepathi goṣṭhe nadītīre taḍāge kūpasannidhau | tathā ca vṛkṣacchāyāyāṃ kāntāre vahnisannidhau || devālaye tathodyāne kṛṣṭabhūmau catuṣpathe | brāhmaṇānāṃ samīpe tu tathā goguruyoṣitām || tuṣāṅgārakapāleṣu jalamadhye tathaiva ca | evamādiṣu deśeṣu malamūtraṃ na kārayet || smṛtyantaredaśahastaṃ parityajya mūtraṃ kuryājjalāśayāt | śatahastaṃ purīṣaṃ ca tīrthe nadyāścaturguṇam || aṅgirāḥutthāya paścime yāme tata ācamya codakam | antardhāya tṛṇairbhūmiṃ śiraḥ prāvṛtya vāsasā || vācaṃ niyamya yatnena ṣṭhīvanocchvāsavarjitaḥ | kuryānmūtrapurīṣe tu śucau deśe samāhitaḥ || yājñavalkyaḥdivā sandhyāsu karṇasthabrahmasūtra udaṅmukhaḥ | kuryānmūtrapurīṣe tu rātrau ceddakṣiṇāmukhaḥ || karṇaścātra dakṣiṇaḥ | pavitraṃ dakṣiṇe karṇe kṛtvā viṇmūtramutsṛjet| iti liṅgapurāṇokteḥ| pavitramupavītamiti maheśādayaḥ | aṅgirāstu vikalpena sthānāntaramāhakṛtvā yajñopavītaṃ tu pṛṣṭhataḥ kaṇṭhalambitam | viṇmūtraṃ tu gṛhī kuryādyadvā karṇe samāhitaḥ || tatra karṇe nidhānamekavastraviṣayam | tathā ca sāṃkhyāyanaḥ- yadyekavastro yajñopavītaṃ karṇe kṛtvā mūtrapurīṣotsargau kuryāditi| karṇe nidhānaṃ pṛṣṭhataḥ kaṇṭhalambitaṃ vā nivītinaiva kāryam | taduktamatriṇāṛṣitarpaṇacāṇḍālabhāṣaṇe śavavāhane | viṇmūtrotsarjane strīṇāṃ ratisaṅge nivītayaḥ || sāyaṇīyegṛhītvā jalapātraṃ tu viṇmūtraṃ kurute yadi | tajjalaṃ mūtrasadṛśaṃ pītvā cāndrāyaṇaṃ caret || malamūtraṃ samutsṛjya vismṛtyaivopavītadhṛt | upavītaṃ tadutsṛjya dadhyādanyannavaṃ tadā || āpastambaḥ - na ca sopānatko mūtrapurīṣe kuryāditi| idaṃ ca yātrā yuktopānatparam| sopānatkaḥ sodapātra iti yātrāprakaraṇa ācāracandrikāyāmukteḥ | sopānatsakamaṇḍuluriti granthāntarācca| yamo'pipratyādityaṃ na meheta na paśyedātmanaḥ śakṛt | dṛṣṭvā sūrya nirīkṣeta gāmagniṃ brāhmaṇaṃ tathā || malamūtrayorve gaṃ na dhārayet | noparuddhaḥ kriyāṃ kuryāditi vacanāt| iti mūtrapurīṣotsargavidhiḥ