Acarendu 2.p25

2.p25

uktaśaucākaraṇe prāyaścittaṃ smṛtiratnāvalyāmgāyatryaṣṭaśataṃ caiva prāṇāyāmatrayaṃ tathā || iti | kecittuviṣṇusmaraṇamevātra sarvadoṣanibarhaṇam || iti vacanādviṣṇusmaraṇaṃ vā kāryamityāhuḥ | vyāso'piapavitraḥ pavitro vā sarvāvasthāṃ gato'pi vā | yaḥ smaretpuṇḍarīkākṣaṃ sa bāhyābhyantaraḥ śuciḥ || gaṇḍūṣānāhā''śvalāyanaḥkuryāddvādaśa gaṇḍūṣānpūrīṣotsarjane dvijaḥ | mūtre catvāra eva syurbhojanānte tu ṣoḍaśa || bhakṣyabhojyāvasāne ca gaṇḍūṣāṣṭakamācaret | gaṇḍūṣadeśaḥ pārijātepurataḥ sarvadevāśca dakṣiṇe pitarastathā | ṛṣayaḥ pṛṣṭhataḥ sarve vāme gaṇḍūṣamācaret || atha prayogaḥ pūrvokte1 brāhmamuhūrte utthāya vastrāntaraṃ dhṛtvā hastapādamukhāni prakṣālyā''camyeṣṭadevatāṃ namaskṛtya prātaḥ smaraṇīyaṃ vidhāya grāmādbahirnairṛtyāmiṣukṣepātyaye śuddhamṛttikāṃ sasikatāṃ jalapātraṃ cā''dāya kīṭādirahitasthalaṃ gatvā mṛjjalapātre nidhāya tṛṇādyantarhitabhūmau prāvṛtaśirā nivītī pṛṣṭhataḥ kaṇṭhalambitayajñopavīto yadyekavastraśceddakṣiṇakarṇe nihitanivītayajñopavīto maunī ghrāṇāsye pidhāya divāsandhyāsūdaṅmukho rātrau dakṣiṇāmukho mūtrapurīṣe utsṛjya loṣṭādinā gudaṃ pramṛjya gṛhītaśiśna utthāya pūrvagṛhītamṛjjalapātre gṛhītvā''rdrāmalakamātramṛjjalairdvivāraṃ liṅgaśaucaṃ kṛtvā mṛjjalaistrivāramapānaṃ saṃśodhya punarjalaireva liṅgagude prakṣālya śuddhamṛttikayaikavāraṃ hastaṃ prakṣālya śuddhabhūmimāgatyānyamṛjjalairdaśavāraṃ