Acarendu 2.p32

2.p32

manuḥprāṇasyā''yamanaṃ kṛtvā ācāmetprayato'pi san | āntaraṃ khidyate1 yasmāttasmādācamanaṃ smṛtam || kṛtvā mūtraṃ purīṣaṃ vā khānyācānta upaspṛśet | vedamadhyeṣyamāṇaścāpyannamaśnaṃśca sarvadā || kaurmecaṇḍālamlecchasambhāṣe strīśūdrocchiṣṭabhojane | ucchiṣṭapuruṣaṃ spṛṣṭvā bhojyaṃ cāpi tathāvidham || ācāmedaśrupāte ca lohitasya tathaiva ca || yamaḥuttīryodakamācāmedavatīrya tathaiva ca || mārkaṇḍeyedevārcanādikarmāṇi tathā gurvabhivādanam | kurvīta samyagācamya tadvadeva bhujikriyām || kṣute niṣṭhīvane supte2 paridhāne'śrupātane | pañcasveteṣu cā''cāmecchrotraṃ vā dakṣiṇaṃ spṛśet || kaurmeagnergavāmathā''lambhe spṛṣṭvā'prayatameva vā | strīṇāmapyātmanaḥ sparśe nīvīṃ vā paridhāya ca || keśānāmātmanaḥ sparśe vāsaso'kṣālitasya ca | chandogapariśiṣṭepitryamantrānudravaṇe ātmālambhe'dhamekṣaṇe || bṛhaspatiḥ - adhovāyusamutsarge prahāse'nṛtabhāṣaṇe | mārjāramūṣakasparśe ākṛṣṭe3 krodhasambhave || nimitteṣvedhu sarveṣu karma kurvannupaspṛśet