Acarendu 2.p45

2.p45

purodayādravestvadyānnodite'stamite ravau | atha grāhyāṇi dantakāṣṭhāni nārasiṃhekhadiraśca karañjaśca kadambaśca vaṭastathā | tittiṇḍī veṇupṛṣṭhaṃ ca āmranimbau tathaiva ca || apāmārgaśca bilvaśca arkaśraudumbarastathā | badarītindukāstvete praśastā dantadhāvane || āśvalāyanaḥsarve kaṇṭakinaḥ puṇyāḥ kṣīriṇaśca viśeṣataḥ | bhakticandrodayedantakāṣṭhaṃ prakurvīta jihvollekhanikāṃ tathā | ekenaivobhayaṃ kurvanduḥkhadāridryamāpnuyāt | niṣiddhakāle'pi jihvollekhaḥ kārya eva | tathā ca vyāsaḥpratipaddarśaṣaṣṭhīṣu navamyāṃ dantadhāvanam | parṇairanyatra kāṣṭhaistu jihvollekhaḥ sadaiva hi || iti | dantadhāvane niṣiddhakāla ācāraratne - nandāsvaṣṭamirandhrayorvratadine darśa radau bhūmije śrāddhe janmadine caturdaśiyuge krāntau vyatīpātake | dvādaśyāṃ nijajanmabhe paratare tatpūrvabhe paurṇamāsyāṃ māṅgalyadinopavāsadinayośchāyāsute vā bhṛgau || atha dantakāṣṭhālābhe niṣiddhakāle ca kathaṃ kartavyamiti cedāha vyāsaḥalābhe dantakāṣṭhānāṃ niṣiddhāyāṃ tithau tathā | apāṃ dvādaśagaṇḍūṣairvidadhyāddantadhāvanam || smṛtyarthasāre tu - tṛṇaparṇairmadhyamānāmikāṅguṣṭhairvā niṣiddhāhne'pi kuryurīti sthitam | paiṭhīnasirapi tṛṇaparṇodakenāṅgulyā vā dantāndhāvayetpradeśinīvarjamiti| ācāraprakāśa āśvalāyanastunāṅgulībhiśca mṛdbhiśca parṇairloṣṭhaiśca bhasmanā | nā''yasaiśca tathā lauhaiḥ sarvairdantānmṛjeddvijaḥ || ityāha