Acarendu 2.p53
Ācārendu 2.p53
- Language
- Sanskrit
2.p53
snāne home jape dāne svādhyāye pitṛkarmaṇi | karau sadarbhoṃ kurvīta tathā sandhyābhivādane || kātyāyanaḥsapavitraḥ sadarbho vā karmāṅge pitṛkarmaṇi | aśūnyaṃ tu karaṃ kṛtvā sarvatrā''camanaṃ caret || notsṛjyaṃ tatpavitraṃ tu bhuktocchiṣṭaṃ tu varjayet || mārkaṇḍeye'pi - sapavitreṇa hastena kuryādācamanakriyām | nocchiṣṭaṃ tatpavitraṃ tu bhuktocchiṣṭaṃ tu varjayet || yattu-granthīkṛtapavitreṇa na bhuñjīyānna cā''camet | ityāśvalāyanavacanaṃ tadbrahmagranthiviṣayam | na brahmagranthinā''cāmediti smṛtisārāt | pavitradarbhasaṃkhyāmāha mārkaṇḍeyaḥ-caturbhirdarbhapiñjūlaibrāhmaṇasya pavitrakam | ekaikanyūnamuddiṣṭaṃ varṇe varṇe yathākramam || sarveṣāṃ vā bhaveddvābhyāṃ pavitraṃ grathitaṃ na vā | tribhiśca śāntikaṃ kāryaṃ pauṣṭikaṃ pañcabhistathā