Acarendu 2.p58

2.p58

brāhmemantraṃ vinā dhṛtaṃ yattatpavitramaphalaṃ bhavet | tasmātpavitre mantrābhyāṃ dhārayedabhimantrya ca || pavitravanta ityādi mantradvitayamasya ca | praṇavastvasya mantraḥ syātsamastā vyāhṛtīstu vā || pavitratyāge viśeṣa uktaḥ smṛtyantarenitye naimittike vā'pi karmopakramaṇe dvijaḥ | dhṛtaṃ pavitraṃ karmānte granthiṃ muktvaiva tattayajet || atrāpavādamāha bharadvājaḥkarmānte punarādāya pavitradvitayaṃ dvijaḥ | śucau deśe vinikṣipya dadhyādetatpunaḥ punaḥ || yadyucchiṣṭādyupahataṃ pavitraṃ vai yadā bhavet | tadaiva granthimutsṛjya tyajeditarathā na hi || granthimatpavitrāsambhava āśvalāyanaḥathavā'nāmikābhyāṃ tu granthihīnaṃ kuśādikam | hemādīnvā'tha bibhṛyātsarvakarmasvapi dvijaḥ || atha kuśagrahaṇakālamāhāṅgirāḥahanyahani karmārthaṃ kuśacchedaḥ praśasyate | kuśā dhṛtā ye pūrvatra yogyāḥ syurnottaratra te || iti