Acarendu 3.p1

3.p1

tatra skāndeato hemamayaṃ kuryādaṅgulīyakasaṃjñakam | pavitraṃ paramaṃ hyetadanāmāṅgulasaṃjñakam || anyāni ca pavitrāṇi kuśadūrvātmakāni ca | hemātmakapavitrasya kalāṃ nārhanti ṣoḍaśīm || pārijātepavitroktaprakāreṇa hemnā kuryātpavitrakam | haimena sarvadā sarvaṃ kuryādevāvicārayan || āśvalāyanaḥanyairdhṛtaṃ na gṛhṇīyātpavitraṃ tṛṇasambhavam | hemādayastu saṅgrāhyāḥ samyaṅniṣṭapya vahninā || atha rajatapavitraṃ vārāhetarjanyā rajataṃ dhṛtvā pitṛbhyo yatpradīyate | anto'sti paramāṇūnāṃ tasyānto naiva vidyate || nāradīye'pirūpyahastena dātavyaṃ yatkiñcitpitṛvallabham | tena syuḥ pitarastṛptā yāvadābhūtasamplavam || yogayājñavalkyaḥanāmikādhṛtaṃ hema tarjanyāṃ raupyameva ca | kaniṣṭhikādhṛtaṃ khaḍgaṃ tena pūto bhavennaraḥ || tarjanyāṃ raupyadhāraṇaṃ jīvatpitṛkasya jīvajjyeṣṭhabhrātṛkasya ca niṣiddham | taduktaṃ saṅgrahepāduke cottarīyaṃ ca tarjanyāṃ raupyadhāraṇam | na jīvatpitṛkaḥ kuryājjyeṣṭhe bhrātari jīvati || atha tāmrapavitraṃ devīpurāṇedārbhaṃ pavitraṃ tāmraṃ vā rajataṃ haimameva vā | bibhṛyāddakṣiṇe pāṇau pavitraṃ cottarottaram || varṇabhedena vyavasthā smṛtisāredarbheḥ pavitraṃ vijñeyaṃ brāhmaṇasya viśeṣataḥ | haimarājatatāmrāṇi kṣatraviṭśūdrajātiṣu || tridhātumudrāmāhā''śvalāyanaḥagranthikaṃ ca haimaṃ ca tathā lohatrayodbhavam | gāyatryakṣaravarṇena gṛhṇīyāttāmramūttamam || anuṣṭubhastathā raupyaṃ triṣṭubhaḥ kanakottamam