Acarendu 4.p1

4.p1

gautamaḥkṛtaśaucavidhiḥ samyaksvācānto dantadhāvanam | vidhāyoṣasi kurvīta snānaṃ ca vidhipūrvakam || atha snānabhedānāha śaṅkhaḥsnānaṃ tu dvividhaṃ proktaṃ gauṇamukhyaprabhedataḥ | tayostu vāruṇaṃ mukhyaṃ tatpunaḥ ṣaḍvidhaṃ bhavet || nityaṃ naimittikaṃ kāmyaṃ kriyāṅgaṃ malakarṣaṇam | kriyāsnānaṃ tathā ṣaṣṭhaṃ ṣoḍhā snānaṃ prakīrtitam || tatra nityasnānalakṣaṇamāha sa evaasnātastu pumānnārho japāgnihavanādiṣu | prātaḥsnānaṃ tadarthaṃ tu nityasnānaṃ prakīrtitam || kaurmenityamabhyudayātpūrvaṃ snātavyaṃ śuddhimicchatā | eṣa sādhāraṇo dharmaścaturvarṇasya kīrtitaḥ || strībhiḥ śūdraiśca kartavyaṃ mantravarjaṃ vigāhanam | caturviṃśatimateuṣasyuṣasi yatsnānaṃ sandhyāyāmudite'pi vā| prājāpatyena tattulyaṃ sarvapāpapraṇāśanam