Acarendu 4.p40

4.p40

yo vaḥ śi0 mūrdhni| oṃ tasya bhā0 iti hṛdaye| oṃ uśatī0 iti pādayoḥ| oṃ tasmā a0 iti hṛdaye| oṃ yasya0 iti pādayoḥ| oṃ āpo ja0 iti mūrdhni| iti pacchaḥ| athārdharcaśaḥ| oṃ āpo hi0 iti mūrdhni| oṃ mahe ra0 iti hṛdaye | oṃ yo vaḥ śi0 iti pādayoḥ | oṃ uśatī0 iti hṛdaye| oṃ tasmā0 iti pādayoḥ | oṃ āpo ja0 iti mūrdhni | atha ṛkśaḥ| oṃ āpo hi0 ṛ. 1 iti hṛdaye| oṃ yo vaḥ śi0 ṛ. 1 iti pādayoḥ | oṃ tasmā a0 ṛ. 1 iti mūrdhni | atha tṛcena oṃ āpo hi0 ṛ. 3 iti mūrdhni mārjayitvā dakṣiṇahaste jalaṃ gṛhītvā gāyatryā gāthino viśvāmitraḥ savitā gāyatrī| jalābhimantraṇe vi0| oṃ tatsavitu0 iti daśāvṛttyā'bhimantrya praṇavasya parabrahmaparamātmā daivī gāyatrī apprāśane vi0 oṃ oṃ iti pītvā dvirācāmet | iti pariśiṣṭoktamantrasnānavidhiḥ | yadvā viṣṇusmṛtautṛcābhimantritaistoyaiḥ prakṣipenmūrdhni sarvataḥ | anukalpamidaṃ snānaṃ sarvapāpāpahaṃ nṛṇām || saṅkalpāntaṃ pūrvavatkṛtvā dakṣiṇapāṇitale jalaṃ gṛhītvā oṃ āpo hi ṣṭhā0 iti tṛcenābhimantrya tena mūrdhādisarvāṅgaṃ prokṣyā''cāmet | etāni ca gauṇasnānāni japasandhyāvandanavedādhyayaneṣveva śucitvakāriṇī | tadāhā''cāryaḥprātaḥ snātumaśaktasya rogādyairvā bhayācca vā| pūrvavastraṃ parityajya gauṇasnānena śuddhatā || sa ca karmasvanarhaḥ syācchrāddhadevārcanādiṣu | japetsaṃdhyāṃ tathā vedānso'dhīyīta yathāvidhi || iti kecit| anye tu atra sandhyādīnāṃ keṣāñcidupādānamaupāsanahomabrahmayajñādisakalanityakarmaṇāmupalakṣaṇārtham | anyathā prātaḥsnānasya vaikalpikatvātprātarvāruṇenāsnātasya madhyāhnaparyantaṃ sakalakarmasu nityamanadhikārāpattiḥ | tathā śrāddhaniṣedhaḥ gatikamahālayakāmyaśrāddhādiparaḥ| na tu darśādiparaḥ | tasya kālāntarāsattvāt | akaraṇe prāyaścittaśravaṇācca| devārcananiṣedho'pi naimittikakāmyadevārcanaparaḥ | na tu nityadevārcanaparaḥ| varaṃ prāṇaparityāgaḥ śiraso vā'pi kartanam | na tvasampūjya bhuñjīta bhagavantaṃ trilocanam || sūtake mṛtake caiva na doṣaḥ parikīrtitaḥ | ityādilaiṅgādivacanairāśauce'pi tasya kartavyatvābhidhānātkaimutyanyāyenātrāpi tatprāpterityāhuḥ | iti gauṇasnānāni