Acarendu 6.p22

6.p22

mātrāyā lakṣaṇaṃ vakṣye prāṇāyāmādisādhane | veṣṭayitvā tridhā jānumaṇḍalaṃ choṭikāṃ sakṛt || kuryādeṣā bhavenmātrā kaniṣṭhā kālamānataḥ | āhuranye yathā mātrāṃ sakṛjjānupradakṣiṇām || choṭikāṃ ca sakṛtkuryādeṣā mātrā1 kaniṣṭhikaḥ( kā )| madhyamā dviguṇā caiva triguṇā hyuttamā tathā|| iti| sapta vyāhatīstu yogayājñavalkya āhasapta vyāhṛtayaḥ proktāḥ prāṇāyāmeṣu nityaśaḥ | bhurbhuvaḥ svarmaharjanastapaḥ satyaṃ tathaiva ca | pratyoṅkārasamāyuktaṃ tathā tatsavituḥ param || omāpo jyotirityetacchiraḥ paścātprayojayet | vyāsaḥṣoḍaśākṣarakaṃ brahma gāyatryāstu śiraḥ smṛtam | omāpo jyotirityeṣa mantro vai taittirīyake || ādyantapraṇavarūpamekamakṣaram | anyathā ṣoḍaśākṣarakaṃ brahmetyādi viruddhyeteti | atha vā suvarityasyaikākṣaratvabhāvanayā ṣoḍaśākṣaratvaṃ draṣṭavyam | atrā''vartanaśabdena varṇābhidhyānamātraṃ noccāraṇaṃ tasyāsambhavāt | ata eva saṃvartaḥpraṇavena tu saṃyuktā vyāhṛtīḥ sapta nityaśaḥ | sāvitrīṃ śirasā sārdhaṃ manasā triḥ paṭhed dvijaḥ || śaunakaḥnāsikāmaṅgulībhiśca tarjanīmadhyamādṛte | savyena tu samākṛṣya dakṣiṇena visarjayet || śanairnāsāpuṭe vāyumutsṛjenna tu vegataḥ | na kampayeccharīraṃ tu sa yogī paramo mataḥ || yastuvāmena recakaṃ kuryāddakṣeṇā''pūrya codaram