Acaracintamani 2.p50

2.p50

triśrapaḥ prīṇanārthāya devānābhavasarjayet | ṛṣīṇāñca yathānyāyaṃ sakṛccāpi prajāpateḥ || pitṝṇāṃ prīṇanārthāya trirapaḥ pṛthivīpate | pitāmahebhyaśca tathā prīṇayetprapitāmahān || mātāmahāya tatpitre tatpitre ca samāhitaḥ | dadyāttirodayeṇa tīrthena kāmyañcānyacchṛṇuṣva me || mātre pramātre tanmātre gurupatnyai tathaiva ca | gurave mātulādīnāṃ snigdha-mitrāya bhūbhuje || idañcāpi japedambu dadadātmaikayā nṛpa | upakārāya bhūtānāṃ kṛtadevādirpaṇaḥ || devāsurāstathā yakṣā nāgā gandharvarākṣasāḥ | piśācā guhyakāḥ siddhāḥ kūṣmāṇḍāstaravaḥ khagāḥ || jalecarā bhūnilayā vāyvādhārāśca jantavaḥ | tṛptimete prayāntvāśu maddattenāmbunā sadā || narakeṣu samasteṣu yātanāsu ca ye sthitāḥ | teṣāmāpyāyanāyaitaddīyate salilammayā || ye'bāndhavā bāndhavā vā ye'nyajanmani bāndhavāḥ | te tṛptirmākhalā yāntu ye cāsmattoyakāṅkṣiṇaḥ