Acaracintamani 3.p257

3.p257

dadhi-kṣīra-ghṛte vāpi prabhūte vyañjanestathā | uṣṇodakai rdhānyacūrṇaiḥ karo śmaśrūṇi śodhayet || devalaḥ — bhuktvā cānnaṃ yathoktena vidhānena samāhitaḥ | śodhayenmukha-hastau ca mṛdbhirgharṣaṇena tu || tathā— bhojane dantalagnāni nirhṛtyācamanaṃ caret | dantalagnamasaṃhāthaṃ lepaṃ manyeta dantavat || na tatra kuryādbahuśo yatnamuddharaṇe punaḥ | bhavedaśaucamatyarthaṃ tṛṇavedhād vraṇe kṛte || viṣṇupurāṇe—bhuktvā caiva tathā samyak prāṅmukhodaṅmukhopi vā | ācāntaḥ punarācāmet pāṇī prakṣālya mūlataḥ || baudhāyanaḥ — “ācāntaḥ punarācamya dakṣiṇapadāṅguṣṭhe strāvayati | aṅguṣṭhamātraḥ puruṣo'ṅguṣṭhañca samāśritaḥ | īśaḥ sarvasya jagataḥ prabhuḥ proṇātu viśvabhuk || iti mantreṇa | tathā—māṃsa matsya bilamadhu saṃsṛṣṭaṃ prāśyāpa upaspṛśyāgnimupaspṛśet | brahmapurāṇe - sammārjya bāhū jānū ca gopradānaphalaṃ labhet | tathā— ‘‘ācāmetopyaśucistāvadyāvannonmṛjyate mahī’’ | baudhāyana — ‘‘yatra bhujyate tatparisamūhya nirhṛtyāvekṣya taṃ deśamasatebhyo lepān sahṛtyadbhiḥ saṃṣkṛtyātastaḥ śucau deśe rudrāya ninayedevaṃ vāstu śivaṃ bhavati’’