Ahnikacandrika (Divakarabhatta) 9.1-4.3

9.1-4.3

kṛtvā pavitrotpattipūrvakamājyaṃ saṃskṛtāyāśceti sruvāhutiṃ
sarvaprāyaścittāhutiṃ ca hutvā yathāpūrvaṃ juhuyāt| saṃgrahe jātūkarṇyaḥ| sūtake tu samutpanne smārttaṃ karma kathaṃ caret| piṇḍayajñaṃ
caruṃ homamasagotreṇa kārayet| piṇḍayajñaḥ piṇḍapitṛyajñaḥ| caruḥ
sthālīpākaḥ śravaṇākarma ceti vijñāneśvaraḥ| nirṇayasindhāvapyevam| saṃgrahe| vaiśvadevaṃ tathā śrāddhaṃ brahmayajñaṃ ca sūtake
na kuryātsvayamanyaiśca kārayenna tu sarvathā| iti saṃkṣiptaupāsanavidhiḥ|| atha brahmacārī sāyaṃ vakṣyamāṇavatprātaragnikāryaṃ kuryāt
atha saurasūktāni
udutyamiti trayodaśarcasya sūktasya kāṇvaḥ praskaṇvaḥ sūryo
navādyā gāyatryontyāścatasro'nuṣṭubhontyastṛco rogaghna upaniṣadantyordharco dviṣadghnaḥ| citraṃdevānāmiti ṣaḷarcasya sūktasya
āṅgirasaḥ kutsaḥ sūryyastriṣṭup| indraṃ mitramiti dvayorrcayo
dīrghatamāḥ sūryyastriṣṭup| haṃsaḥ śuciṣadityasya gautamo vāmadevaḥ sūryo jagatī| yattveti bhaumātriruḥ sūryo'nuṣṭup| yadadyetyekā utsūrya iti tisraḥ udvetīti catasrodhardhapañcamāḥ etāsāṃ
maitrāvaruṇirvasiṣṭhaḥ sūryyastriṣṭup| udutyaddarśatamiti tṛcasya
maitrāvaruṇirvasiṣṭhaḥ sūryaḥ ādyā bṛhatī dvitīyā satobṛhatī
tṛtīyā purauṣṇik| baṇmahāniti dvayorbhārgavo jamadagniḥ
sūryo bārhatapragāthaḥ | namomitrasyeti dvādaśarcasya sūktasya
sauryobhitapāḥ sūryo jagatī daśamī triṣṭup | sūryona iti pañcarcasya sūktasya sauryaścakṣuḥ sūryo gāyatrī | vibhrāḍbṛhaditi caturṛcasya sūktasyābhitapāḥsūryaḥ sauryo jagatī antyā prastārapaṅktiḥ | āyaṃgauriti tṛcasya sārparājñī sūryo gāyatrī | ṛtaṃ ceti