Grihastharatnakara 21.p3
Gṛhastharatnākara 21.p3
- Language
- Sanskrit
21.p3
tathāca brahmapurāṇe,rājñāṃ parvvaṇi vaiśyānāmaśnīyānmaṅgale gavām | gobhūmiratnaṃ homārthaṃ sacchūdrasya gṛhe tathā || āpastambaḥ, - sarvvavarṇānāṃ svadharmme varttamānānāṃ bhoktavyaṃ śūdravarjamityeke | manuḥ,nādyācchūdrasya pakkānnaṃ vidvānaśrāddhino dvijaḥ | ādadītāmamevāsmādvṛttāvekarātrikam || hārītaḥ,— śūdrānnena tu bhuktena jaṭharasthena yo mṛtaḥ | sa vai kharatvamuṣṭratvaṃ śūdratvañcopagacchati || paiṭhīnasiḥ,— gṛhamedhī na śūdrānamaśnīyādāyūrvvalanteja iti vyapakrāmati || vaśiṣṭhaḥ,— śūdrānnenodarasthena yaḥ kaścinmriyate dvijaḥ | sa bhavecchūkaro grāmyastasya vai jāyate kule || śūdrānna rasapuṣṭāṅgo hyadhīyāno'pi nityaśaḥ | juhvan vātha japan vā'pi gatimiṣṭāṃ na vindati || śūdrānnena tu bhuktena maithunaṃ yo'dhigacchati | yasyānnaṃ tasya te putrā na ca svargāhrko bhavet || yamaḥ,— śūdrānnenodarasthena brāhmaṇo yastanuṃ tyajet | āhitāgnistathā yajvā sa śūdragatimāpnuyāt || yasyāhitāgnirviprastu śūdrānnenābhivarttate | pañca tasya praṇaśyanti ātmā vrataṃ trayo'gnayaḥ
Linked texts (5)
- Hārītadharmasūtra (fragments) — Sanskrit
- Hiraṇyakeśiśrautasūtra (ed. Kāśīnāthaśāstrī Āgāśe, Ānandāśrama 1907, with Mahādeva's Vaijayantī) — Sanskrit
- Hiraṇyakeśidharmasūtra — Hiraṇyakeśin, Sanskrit
- Āhnikaprakāśa — Mitramiśra, Sanskrit
- Śūdrācāraśiromaṇi — Kṛṣṇaśeṣa 1520, Sanskrit