Nityacarapradipa 5.p80

5.p80

yājñavalkyaḥ,— yāvanto'syāṃ vikarmasthāḥ pṛthivyāṃ vāliśā dvijāḥ| teṣāṃ hi pāvanārthāya sandhyā sṛṣṭā svayambhuvā || sandhyā yena na vijñātā sandhyā naivāpyupāsitā| jīvanneva sa śūdratvaṃ mṛtaḥ śvā cābhijāyate || 'nopatiṣṭhati yaḥ pūrbāmupāste na ca paścimām| sa śūdravad vahiṣkāryyaḥ sarvvasmād dvijakarmaṇaḥ || sandhyāṃ nopāsate viprāḥ kathante brāhmaṇāḥ smṛtāḥ| kāmaṃ tān dhārmmiko rājā śūdrakarmasu yojayet || yājñavalkyātātapau,— gṛheṣu prākṛtī sandhyā goṣṭhe śataguṇā smṛtā| nadīṣu śatasāhasrī hyanantā śivasannidhau || anṛtaṃ madyagandhañca divāmaithunameva ca| punāti vṛṣalasyānnaṃ vahniḥ sandhyābhyupāsitā || yogiyājñavalkyaḥ,— hrāsavṛddhī tu satataṃ divasānāṃ yathākramam| sandhyā muhūrttamātrāñca hrāsavṛddhau tu sā smṛtā || (ka)