Acaramayukha 4.p9

4.p9

nṛsiṃhapurāṇepratipaddarśaṣaṣṭhīṣu navamyāṃ caiva bhārata | dantānāṃ kāṣṭhasaṃyogo dahatyāsaptamaṃ kulam || kāṣṭhagrahaṇātparṇādau na doṣaḥ | tathāca vyāsaḥpratipaddarśaṣaṣṭhīṣu navamyāṃ dantadhāvanam | parṇairanyatra kāṣṭhaistu jihvollekhaḥ sadaiva tu || 'tṛṇaparṇairmadhyamānāmikāṅguṣṭhairniṣiddhāhne kuryuḥ' iti smṛtyathasāre | vyāsaḥ- alābhe dantakāṣṭhānāṃ niṣiddhāyāṃ tathāvapi | apāṃ dvādaśagaṇḍūṣairvidadhyāddantadhāvanam || skānde- abhyaṅge codadhisnāne dantadhāvanamaithune | jāte ca maraṇe caiva tatkālavyāpinī tithiḥ || yamaḥ- caturdaśyaṣṭamī darśaḥ pūrṇimā saṃkramo raveḥ | eṣu strītailamāṃsāni dantakāṣṭhaṃ ca varjayet || vasiṣṭhaḥ-śanyarkaśukravāreṣu kujāhne vratavāsare | janmāhne śrāddhadivase dantakāṣṭhaṃ vivarjayet || yamaḥ- madhyāhne snānavelāyāṃ bhakṣayeddantadhāvanam | nirāśāstasya gacchanti devatāḥ pitṛbhiḥ saha || atra 'nodite' ityanenaiva madhyāhnaniṣedhe siddhe punarniṣedho doṣādhikyārthaḥ| gobhilaḥrajasvalā sūtikā ca varjayeddantadhāvanam | smṛtimañjaryāmrajasvalā caturthe'hni sūtikā daśame'hani | snānātpūrvaṃ bandhamokṣe ninyeṣvapi carediti || nāgadevīyeciraṃ danteṣu keśeṣu ciraṃ mūtrapurīṣayoḥ | ciraṃ snāne ca śīghraṃ ca maithune śayane'śane || vyāsaḥ- prakṣālya pādau hastau ca mukhaṃ ca susamāhitaḥ | dakṣiṇaṃ bāhumuddhṛtya dhṛtvā jānvantarā tataḥ