Acaramayukha 9.p7

9.p7

iti puṣpaṃ dadyāt| “īśānaṃ tvā bhuvanānāmadhiśriyam” iti cākṣatāndadyāt| sāvitryā dhūpaṃ, uddīpyasveti dīpaṃ, “devasyatvā savituḥ prasave'śvinorbāhubhyāṃ pūṣṇo hastābhyām” bhagavate mahādevāya juṣṭaṃ caruṃ nivedayāmīti naivedyam| athāṣṭabhirnāmadheyairaṣṭau puṣpāṇi dadyāt| bhavāya devāya namaḥ| śarvāya devāya namaḥ| īśānāya devāya namaḥ| paśupataye rudrāya ugrāya devāya namaḥ| bhīmāya devāya namaḥ| mahate devāya namo brahmaṇe namo viṣṇave namaḥ| skandāya namaḥ| [ pinākāya namaḥ| śūlāya śūlāya mahākālāya nandikeśvarāya namaḥ| iti caruśeṣeṇā'ṣṭābhirnāmadheyairaṣṭāhutīrjuhoti| bhavāya devāya svāhetyaṣṭābhirhutvā'tha śiṣṭairgandhamālyairbrāhmaṇānalaṃkṛtyāthainamṛgyajuḥsāmabhiḥ stuvanti “sahasrāṇi sahasraśaḥ” ityanuvākaṃ japitvā anyāṃśca raudrānmantrānyathāśaktyā ekaikaṃ bhūrbhuvaḥsvarmahraroṃ bhagavate mahādevāya ca| rudrasyodvāsakāle oṃ mahādvamudvāsayāmīti rudramudvāsya|] prayātu bhagavānīśaḥ sarvalokanamaskṛtaḥ| anena haviṣā tṛptaḥ punarāgamanāya ca| punaḥ saṃdarśanāya ca| iti pratimāsthāneṣu apsupravāhnavisarjanavarjaṃ sarvaṃ samānam| mahatsvatyayanamācakṣate ityāha bhagavān baudhāyanaḥ iti| kaurme— na viṣṇvārādhanātpuṇyaṃ vidyate karma vaidikam| tasmādanādimadhyāntaṃ nityamārādhayeddharim|| athavā devamīśānaṃ bhagavantaṃ sanātanam| ārādhayenmahādevaṃ bhāvapūto maheśvaram| mantreṇa rudragāyatryā praṇavenāthavā punaḥ|| rudragāyatrī “tatpuruṣāya vidmahe” ityādyā| īśānenāthavā rudraṃ tryambakena samāhitaḥ| puṣpaiḥ patrairathādbhirvā candanādyairmaheśvaram|| tathyoṃnamaḥ śivāyeti mantreṇānena vā yajet| namaskuryānmahādevaṃ ṛtaṃ satyamitīśvaram|| nivedayīta yatphalaṃ yat, brahmaṇaspitītyṛcā| pradakṣiṇaṃ dvijaḥ kuryātpañca brahmāṇi vā japet| dhyāyīta devamīśānaṃ vyomamadhyagataṃ śivam|| iti