Danamayukha 2.p1

2.p1

atha ṣoḍaśāracakram | tatra gururvedyāṃ madhye trihastavyāsaṃ caturasraṃ prasādhya prāgaparadakṣiṇottaranavanavarekhābhistaccatuḥṣaṣṭikoṣṭhakaṃ kuryāt | tatra koṣṭhāni pratyekaṃ navāṅgulāni saṃpadyante | tato bahirantyapaṅktiṣu caturdikṣu madhyakoṣṭhāni catvāri catvāri mārjayitvā taduparyupāntyapaṅktiṣu pārśvayostatrayaṃ trayaṃ tyaktvā pratidiśaṃ madhyakoṣṭhadvayaṃ mārjayet | tena caturdikṣu ṣaṭ ṣaṭ koṣṭhāni catvāri dvārāṇi siddhyanti | tato madhyasthitaṣoḍaśakoṣṭhāni mārjayet | tato bāhye ekaikaṃ koṇakoṣṭhaṃ vihāya koṇakoṣṭhadvārapīṭhāntarāḷavarttīnyavaśiṣṭāni pañca pañca koṣṭhāni mārjayet | tathāca madhyacaturasrapīṭhasya pādāḥ siddhyanti | tato madhyāccatvāri vṛttāni kuryāt | tatrādye catvāryyaṅgulāni vyāsaḥ | dvitīye'ṣṭau | tṛtīye caturviṃśatiḥ | caturthe ṣaḍviṃśatiriti | taccaturaṅgulaṃ vṛttaṃ karṇikārūpaṃ pītena rajasā pūrayitvā karṇikāvadhirekhāṃ sitena rajasā nirmāya tadvahiraṣṭāṅgulāramake vṛtte pītaraktasitarajobhiḥ saṃpāditamūlamadhyā'grāṇi ṣoḍaśa keśarāṇi saṃpādya tatkesarāvadhirekhāṃ sitenaiva rajasā'ṅgulonnatāṃ saṃpādya caturviṃśāṅgulāramake tadbahirvṛtte sitarajasā aṣṭadikṣvaṣṭau patrāṇi raktāgrāṇi kuryāt| tato dalāntare rekhāṃ sitena rajasā vidhāya dalāntarāṇi kṛṣṇena rajasā pūrayitvā tadbāhirekāṅgu'gulāntaraṃ bahirvṛttarekhāṃ sitenaiva rajasā saṃpādya tadvayāntaraṃ parito'ṅguṣṭhadalāntarāṇi kṛṣṇena rajasā pūrayitvā tadbahirekāṅgulāntarāṃ bahirvṛttarekhāṃ sitenaiva rajasā saṃpādya tadvayāntaraṃ parito'ṅguṣṭhadalāgratatsandhivihitaiḥ ṣoḍaśadhā vibhajya pratibhāgaṃ yavākārān ṣoḍaśakīṭān śyāmapītāruṇaśvetarajobhiḥ kalpayitvā tadantarā yathāyogarajobhiḥ pūrayitvā tadvahiḥ sitaṃpītāruṇaśyāmaharitāḥ pañcarekhā likheta| tadvahiḥ pīṭhakṣetracaturasraṃ yathāśobhaṃ rajobhiralaṃkṛtya pīṭhā'vadhirekhāṃ sitena rajasā caturasrāṃ racayet | dvārakṣetrāṇi pūrvāṃditaḥ pītaśyāmaśvetaharitarajobhiḥ pūrayet | āgneyādikoṇe koṣṭhacatuṣṭayaṃ lohitaharitaśyāmadhavalaiḥ pūrayet | āgneyādipīṭhapādacatuṣṭayaṃ pañcakoṣṭhātmakaṃ kramāt sitaraktapītakṛṣṇarajobhiḥ pūrayet | tataḥ sitena rajasā'ṅgalonnatenaṃ bahiścaturasrarekhāṃ kuryāditi pitāmahacaraṇāḥ | madanādyāśca || ṭhakkuramate caturhastaṃ caturasram | tatra pratyekaṃ dvādaśāṅgulāni koṣṭhāni | vṛttāni tu pañca | tatrādye vṛtte catvāryyaṅgulāni vyāsaḥ | dvitīye'ṣṭau, tṛtīye viṃśatiḥ, caturthe caturviṃśatiḥ, pañcame ṣaḍviṃśaditi | pañcakoṣṭhātmakaṃ pīṭhapādacatuṣṭayamāgneyādikrameṇa raktaharitaśyāmasitaiḥ pūraṇīyam | koṇakoṣṭhacatuṣṭayaṃ tvekaṃ tribhistribhirvarṇairiti viśeṣaḥ | iti ṣoḍaśāracakranirmitiḥ || idameva ca vāruṇaṃ maṇḍalam | tathā, vajraṃ prāguttame bhāge āgneyyāṃ śaktimujjvalām | ālikheddakṣiṇe daṇḍaṃ nairṛtyāṃ khaḍgamālikhet || pāśaṃ tu vāruṇe lekhyaṃ dhvajaṃ vai vāyugocare | kaubeyryāṃ tu gadāṃ likhya īśānyāṃ śūlamālikhet || śūlasya vāmadeśe tu cakraṃ padmaṃ tu dakṣiṇe iti || tato mahāvedyupari pañcavarṇaphalapuṣpopaśobhitaṃ vitānaṃ badhnīyāditi | tato mahāvedīśānabhāge āyāmadairghyocchrāyairhastamitā grahādisthāpanārthā parā vediryā vihitā'sti, hemādrimate vitastyucchrāyā vā tasyāṃ sarvatobhadraṃ likhet | tallekhanaprakāro'pīttham- prāgudīcyāṃ gatā rekhāḥ kuryādekonaviṃśatiḥ | khaṇḍendustripadaḥ koṇe śṛṅkhalā pañcabhiḥ padaiḥ || ekādaśaṃ-