Danamayukha 3.p86.2
Dānamayūkha 3.p86.2
- Language
- Sanskrit
3.p86.2
amukagotrāyāmukaśarmaṇe brāhmaṇāyāhaṃ yamadvāre sthitāyā nadyāḥ sukhenòttaraṇārthamimāṃ vaitaraṇīṃ gāṃ savatsāṃ sopaskarāṃ haimayamamūrttisahitāṃ viṣṇudaivatāṃ saṃpradade | dānamantraḥ | viṣṇurūpa dvijaśreṣṭha bhūdeva paṅktipāvana | sadakṣiṇā mayā tubhyaṃ dattā vaitaraṇī ca gauriti || tataḥ suvarṇaṃ dakṣiṇāṃ datvā taddhenoḥ pucchaṃ pragṛhyānuvrajet | tatra mantraḥ | dhenuke tvaṃ pratīkṣasva yamadvāre mahābhaye | uttitīrṣurahaṃ devi vaitaraṇyai namo namaḥ || iti vaitaraṇīdānam || atha māhiṣyāḥ | bhaviṣyottare | mahiṣīdānamāhātmyaṃ kathayāmi yudhiṣṭhira | puṇyaṃ pavitramāyuṣyaṃ sarvakāmapradaṃ sukham || candrasūryagrahe puṇye kārttikyāmayane tathā | śuklapakṣe caturdaśyāṃ sūryasaṃkrāntivāsare || yadā vā jāyate vittaṃ cittaṃ ca kurunandana | tadaiva deyā mahiṣī saṃsārabhayabhīruṇā || prathamaprasūtā taruṇī suśīlā doṣavarjitā | suvarṇaśṛṅgatilakā ghaṇṭābharaṇabhūṣitā || raktavastravṛtā ramyā tāmradohanikānvitā | piṇyākapiṭakopetā sahiraṇyā ca śaktitaḥ || piṇyākapiṭakaṃ valipūrṇavaṃśādipātram | saptadhānyayutā deyā brahmaṇe tāṃ payasvinīm | pratigrahaḥ smṛtastasyāḥ pṛṣṭhadeśe svayambhuvā || dānavākyaṃ tu, oṃ adyetyādi | indrādilokapālānāṃ yā rājyamahiṣī śubhā | mahiṣī dānamāhātmyāt sā'stu me kāmadā sadā || dharmarājasya māhātmye yasyāḥ putraḥ pratiṣṭhitaḥ|
Linked texts (4)
- Skandamahāpurāṇa (vulgate) — Sanskrit
- Caturvargacintāmaṇi — Hemādri, Sanskrit
- Ṣoḍaśamahādānavidhi (Hemādri) — Hemādri, Sanskrit
- Śūdrakamalākara — Kamalākarabhaṭṭa, Sanskrit