Shudrakamalakara 36.1-48

36.1-48

sūtake mṛtake vāpi tryahāśaucasya bhāginaḥ
śuddhitattvepyevam | evaṃ janakasyāpi | baijikādabhisaṃbaṃdhādanuruṃdhyādaghaṃ tryahamiti
[ ma0 a0 5 ślo0 63 ] manūkteḥ | evaṃ janakapālakapitṛmātṛmṛtau dattakānāṃ tryahameva | ayaṃ ca tryaho vipraparaḥ | śūdrāṇāṃ tvatra dvādaśāhaḥ | yatra trirātraṃ viprāṇāmāśaucaṃ saṃpradṛśyate || tatra śūdre dvādaśāhaṃ paṇṇava kṣatravaiśyayoriti ṛṣyaśṛṃgokteriti
madanapālaḥ | yatra varṇaviśeṣānupādānena trirātraṃ yathā sodake dattakādau ca tatra
dvādaśāhaḥ śūdre | na tu vayovasthānimitte | tulye vayasi sarveṣāmatikrāṃte tathaiva ceti
vyāghrapādokteḥ | ṛṣyaśṛṃgādivacanāni śiṣṭavigānānnādriyaṃtyanīti vijñāneśvarādayaḥ
deśabhedādvyavastheti madanapālaḥ | evaṃ vyabhicāriṇīnāṃ strīṇāṃ dattakādīnāṃ ca prasave
maraṇe ca pūrvāparabharboḥ pitrośca trirātraṃ | tathā ca trirātrānuvṛttau viṣṇuḥ || anauraseṣu
putreṣu jāteṣu ca mṛteṣu ca || parapūrvāsu bhāryāsu prasūtāsu mṛtāsu ca