Kalamayukha 16.p1

Kālamayūkha 16.p1

Language: Sanskrit

16.p1

āśvayujīkarma | āśvinapaurṇamāsyāmāvartanaprāksandhimati prakṛtivikṛtiprayogaparyāpte parvaṇi kevalasmārtābhimatāṃ bahvṛcānāmāśvayujīkarmāgrayaṇapārvaṇasthālīpākāḥ samānatantrāḥ | 'pākayajñānsamāsādya ekājyānekabarhiṣaḥ | ekasviṣṭakṛtaḥ kuryānnānāpi sati daivate' || iti tatsūtrāt | 'darśeṣṭeḥ paramuktamāgrayaṇakaṃ prākpaurṇamāsācca tat' iti dīpikādilekhastvetatsūtrāgocaraśrautaparaḥ iṣṭipadāt | āśvalāyanānyaparo vā | vrīhyāgrayaṇamasyāmeva 'śyāmākaiḥ prastaraḥ kāryoṃ nāgrayaṇam' iti nārāyaṇavṛttau prayogaratne ca | tatra prastaraśabdasya yūpādiśabdavatsaṃskāravācitvādarśapūrṇamāsikalavanādiyuktaṃ prastaraṃ kṛtvā''jyapātrāduttarata āsādya prākṛtakāryābādhārthaṃ tasmin juhūmāsādayet

Previous: 15.p9
Next: 16.p2
Up: 16

Linked texts (1)

Bhagavantabhāskara — Nīlakaṇṭha Dīkṣita 1625, Sanskrit