Kalasara 11.p57

11.p57

sampādanena yat śrāddhaṃ tadgoṣṭhīśrāddhamityarthaḥ | niṣekakāla ityādi śrautasmārttakarmopalakṣaṇam | etacca karmāṅgaśrāddhaṃ vṛddhiśrāddhavatkāryyam | “karmāṅgaṃ vṛddhikṛtaṃ” iti pāraskarasūcāt | karmāṅgasaṃjñākaraṇaṃ akaraṇe karmavaiguṇyadyotanārtham | daivikaṃ tu nityaśrāddhavat | tadanuvṛttau “nityaśrāddhavat kuryyāditi” pāraskarokteḥ | gacchannityāditīrthayātrārthaṃ deśāntaragamanasamaye, yātrāṃ samāpyāgamanānantaraṃ gṛhapraveśe cetyarthaḥ | sarpiṣā sarpiḥprādhānyena yātrāmnaśrāddhamityarthaḥ | śarīretyatra śarīraupacayahetau rasāyanādau karttavye ityarthaḥ | etatvacanakrameṇa śrāddhakālā vicāryyante | tatrāṣṭadhāvibhaktasya divasasya pañcamo bhāgo nityaśrāddhakālaḥ | tathā ca dakṣaḥ,— pañcame ca tathābhāge saṃvibhāgo yathārhataḥ | devpitṛmanuṣyāṇāṃ kīṭānāṃ copadiṣyate || saṃvibhāgaṃ tataḥ kṛtvā gṛhasthaḥ śeṣabhuk bhavet | yathārhato yathāyogyam, saṃvibhāgo vibhajyānnasya pratipādanam | yadyapi nityaśrāddhe “agnaukauḥ pāṇinevārghaḥ” ityādividhirasti, tathāpi apyuddhṛtetyādyuktāśaktapakṣamevāśritya annādikaṃ sthāpayitvā kugrasahitajalena vā utsargamācaratu nānyat kiñcit | tathā ca chandogapariśiṣṭe,— athaikramāgrayet vipraṃ pitṛyajñārthasiddhaye | athaivaṃ nāsti cedanyo bhoktā bhojyamathāpi vā || apyuddhṛtya yathāśakti kiñcidannyo(1) yathāvidhi | pitṛbhyaśca manuṣyebhyo dadyādaharahardivajaḥ || pitṛbhya idamityuktā svadhākāramudāharet | hantakāraṃ manuṣyebhyastadante nivapedapaḥ(2)