Kalasara 17.p23

17.p23

tisro'ṣṭakā ityādi viṣṇūtādinā kevalatrayodaśyāṃ śrāddhasamācārācca | nanu– pitaraḥ spṛhayantyannamaṣṭakāsu maghāsu ca | tasmāddadyāt sadā yukto vidvatsu brāhmaṇeṣu ca | iti śātātapavacane sadā śabdoktāvapi kevalamaghāyāṃ kimiti śrāddhaṃ na kriyate, iti ceducyate | etadapi tasyāṃ trayodaśyāṃ maghāyogasya prāyaḥ sambhavāt trayodaśoparameveti bodhyam | kevalamaghāyāṃ yacchrāddhaṃ tatkāmyam | tathā maghāyuktatrayodaśyāmapi kāmyam | kevalatrayodaśīśrāddhantu nityameveti sarvvaṃ samañjasam | gajacchāyāyoge tu phalādhikyam, tathāca yamaḥ,— yadenduḥ pitṛdaivatye haṃsaścaiva kare sthitaḥ | yāmyā tithirbhavetsā hi gajacchāyā prakīrttitā || kṛtyamāre,— kṛṣṇapakṣe trayodaśyāṃ maghākhinduḥ kare raviḥ | yadā tadā gajacchāyā śrāddhe puṣkairavāpyate || pitṛdaivatyaṃ maghā, yāmyā tithiḥ trayodaśī, karaḥ hastanakṣatraṃ | mātsye,– gayāśrāddhasamayogāḥ, bharaṇī pitṛpace tu mahatī parikīrttitā | tasyāṃ śrāddhaṃ kṛtaṃ yena sa gayāśrāddhakṛdbhavet || yadenduḥ pitṛdaivatye haṃsaścaiva kare sthitaḥ | yāmyā tithirbhavet sā hi gajacchāyā prakīrttitā || āṣāḍhyāḥ pañcame pace gayāmadhyāṣṭamī mṛtā | trayodaśī gajacchāyā gayātulye tu paitṛke || iti mahālaye yogaviśeṣaphalam | śastrahatasya mahālayaśrāddhavicāraḥ | brāhme,– tarpaṇīyāścaturddaśyāṃ luptapiṇḍodakakriyāḥ | śastreṇa nihatā ye vai teṣāṃ tatra pradīyate || vai dūti niyamavācakam | •tathāca “vasante brāhmaṇo'gnīnā dadhīta” dūtivadubhayaniyamaḥ | caturddaśyāṃ śastrahatasya eva śrāddham, nānyeṣām | śastrahatasya caturddaśyāṃ nānyasyāṃ tithāvityarthaḥ | tacca tasya śrāddhameva ekoddiṣṭavidhinaiva | tadāha marīciḥ,– samalamāgatasyāpi pituḥ śastrahatasya vai | ekoddiṣṭantu karttavyaṃ pitṛṇāṃ tu mahālaye || samalamāgatasya kṛtasapiṇḍanasyāpītyarthaḥ | śastrahatasaṃjñā pāribhāṣikī | tathāca bhagavatīpurāṇe,– pakṣimatyamṭagairyai tu śrṛṅgidaṃṣṭrinakhairhatāḥ | patanānaśanaprāyairvajrāgniviṣabandhanaiḥ || mṛtā jalapravegena te vai śastrahatāḥ smṛtāḥ | vṛddhamanuḥ,– sarpairhatā raṇe vyāghraiḥ kumbhīraiśca gajairvṛṣaiḥ | utpātena ca vajraiśca śrāddhaṃ teṣāṃ caturddaśīm || marīciḥ,– viṣaśastraśvāpadāditiryagbrāhmaṇaghātinām | caturddaśyāṃ kriyā kāryā anyeṣāṃ tu vigarhitā