Kalasara 18.p147

18.p147

āyasena tu pātreṇa yadannaṃ sampradīyate | bhoktā viṣṭhāsamaṃ bhuṅkte dātā tu narakaṃ vrajet || yamaśātātapau,– śrutaṃ nakhaiścaturbhiśca yo dadyāt prāṇinā ghṛtam | dātā puṇyaṃ na cāpnoti bhoktā pāpagatiṃ vrajet || tathā,– ‘mākṣikaṃ phāṇitaṃ śākaṃ gorasaṃ lavaṇaṃ ghṛtam | hastadattāni bhuktvā ca datvā sāntapanaṃ caret || hastadattā ca yā bhikṣā salilavyañjanāni ca | bhuktvā laśucitāṃ yāti datvā svargaṃ na gacchati || manuḥ,– rājatairbhājanaireṣāmathavā rajatānvitaiḥ | vāryyapi śraddhayā dattamakṣayāyopapadyate || hārītaḥ,– kāñcanena tu pātreṇa rājataudumbareṇa vā | dattamakṣayatāṃ yāti khaḍgenāryyakṛtena ca || āryyakṛtamatra traivarṇikanirmitamanyadapi pātramabhimatam | viṣṇuḥ,– ghṛtādidāne taijasāni pātrāṇi phalgupātrāṇi praśastāni vā | vṛddhaśātātapaḥ,– pātre tu mṛṇmaye yastu śrāddhe bhojayate pitṝn | tatra dātā purodhāśca bhoktā ca narakaṃ vrajet || athajñīyaṃ prakṛtya peṭhīnasiḥ,– lohānāṃ sisakāyasapāṣāṇahīnapātrāṇi taummapātrāṇi vā | lohāntamapi sīsakāyasāpekṣayā nirddhāraṇaṃ | hīnaṃ aticudraṃ | manuḥ,– nāsmā (1)pātayejjātu na kupyennānṛtaṃ vadet | na pādena spṛśeddarbhaṃ na caitadavadhūnayet