Kalasara 5.p153

5.p153

nandāyāṃ pūrvvaviddhāyāṃ kuryyādaiśvaryyamohitaḥ || ekādaśīvratavidhirvistṛtakṛte vratasāre draṣṭavyaḥ | atha pāraṇe viśeṣaḥ | skānde, - pāraṇe'hani saṃprāpte dvādaśīṃ yo vyatikramet | trayodaśyāntu bhuñjānaḥ śatajanmāni nārakī || kalādvayaṃ trayaṃ vāpi dvādaśīṃ nātikramet | pāraṇe maraṇe nṛṇāṃ tithiratātkālikī bhavet(1) || tathā,- snānācanakriyā kāryyā dānahomādisaṃyutā | etasmāt kāraṇāt vipra pratyūṣe srānamācaret || pitṛtarpaṇasaṃyuktāṃ svalpo dṛṣṭvā tu dvādaśīm | mahāhānikarī hyeṣā dvādaśī khaṇḍitā nṛṇām || punaḥ skānde, - kalāṅgīṃ dvādaśīṃ dṛṣṭvā niśīthādūrddhameva hi | grāmabhyāṅgāḥ kriyāḥ sarvāḥ karttavyāḥ śambhuśāsanāt || atyantāsāmarthya devalaḥ,saṅkaṭe samanuprāpte dvādaśyāṃ pārayet katham | adbhistu pāraṇaṃ kuryyāt punarbhuktaṃ na doṣakṛt || yadā kalāpi dvādaśī nāsti tadā trayodaśyāmapi pāraṇam,trayodaśyāṃ tu śuddhāyāṃ pāraṇaṃ pṛthivīphalam | śatayajñādhikaṃ vāpi naraḥ prāpnotyasaṃśayam || iti nāradīyokteḥ | pāraṇaṃ tu naivedyaṃ tulasīmiśraṃ kāryyam