Kalasara 5.p43

5.p43

‘rambhākhyāmityādi | . gaurīvratam | śatānandasaṃgrahe, - guḍapūpāḥ pradātavyā māsi bhādrapade site | tṛtīyāyāṃ sarvvadānaṃ vāsudevasya prītaye || umāṃ śivaṃ gaṇeśañca vidhivat pūjayanti yāḥ| gaurīvaraprasādena paraṃ saubhāgyamāpnuyuḥ || tithidvaidhe paradine vratam | nātra trimuhūrttavedho'pi apekṣyate | tathā ca mādhavācāryyāḥ, - muhūrttamātrasattve'pi dine gaurīvrataṃ pare | śuddhādhikāyāmapyevaṃ gaṇayogaḥ praśasyate || atha caturthī | sāca paraviddhā grāhyā, - ekādaśī tathā ṣaṣṭhī amāvāsyā caturthikā | upodhyāḥ parasaṃyuktāḥ parāḥ pūrveṇa saṃyutāḥ || iti bṛhadvaśiṣṭhokteḥ, yugmavacanācca | dvitīyā pañcamī caiva daśamī ca trayodaśī | caturdaśī copavāse hanyuḥ pūrvvottare tithī || iti bṛhadvaśiṣṭhavacanāntaraṃ vratāntaraviṣayamityavadheyam | maṅgalavāracaturthīyoge phalādhikyam,amā vai somavāreṇa ravibāreṇa saptamī | caturthī bhaumavāreṇa akṣayādapi cākṣayā | . iti bhaviṣyokteḥ || śivacaturthī