Kalasara 6.p65

6.p65

evamādiprathamasaṅgama evādriyate, anyarttāvapi etat śubhakālādigamanena putrotpattiriti yājñavalkyābhiprāyaḥ | ayugmarācityāgo nādharmakāraṇaṃ, kintu putrotpādanārthameva | parvvavarjjanaṃ tu adharmahetutayā eva iti bodhyam | gaṇḍanakṣatrādivarjjanaṃ prathamarttāveva budhavārādivarjjanamapi prathamarttāveva | “abhinavanārīgamanaṃ na budhā budhavāsare kuryuḥ” ityādiśāsanāt | parvvavarjanaṃ tu sarvvarttuṣvapi, caturddaśyaṣṭamīvākyeṣu tithīnāmevokteḥ | prathamarttau vārādidoṣe jyotiḥśāstre,— puṣpaṃ dṛṣṭaṃ nindite bhe yadi syāt śāntiṃ,kuryyādaṅganānāṃ ca pūrvvam | tatsaṃyogaṃ vallabhā varjayeyu ryāvadbhūyo dṛśyate śastabhe tat || nakṣatratithivāreṣu yatra puṣpaṃ ca duṣyati | homaṃ kuryyāt ca gāyattryā vāradoṣe tithāyapi || kuśai rājyaiścāṣṭaśataṃ dūrvvābhiśca tathaiva ca | tilairājyena dūrvvābhirhomaṃ kuryyāt prayatnataḥ || nakṣatradoṣaśāntyarthaṃ pratyekaṃ tu sahasrakam