Kalatattvavivecana 1.p101

1.p101

na ca rāgaprāptabhojanānuvāde pūrvāhnamātravidhirevāyamastviti vācyam | pāraṇaśabdasya karmasamāptivacanatvācchāstrīyakarmasamāpteśca śāstrīyatvāvaśyaṃbhāvāt | udyāpanādivat | "bhokṣye'haṃ puṇḍarīkākṣe" ti saṃkalpaviṣayatvāt | apprāśanarūpapratinidhividhānācca | tanniyamānaṅgatve tadanupapatteḥ | tasya ca bhojanarūpatā abhojananiyamātmakasyopavāsasya bhojanenaiva samāpteḥ "bhokṣye'ha" miti saṅkalpamantraliṅgāt, tatraiva prācuryeṇa prayogāprayogāt tadviṣayayogarūḍherapi pāraṇaśabde vaktuṃ śakyatvācāvagamyate | ata eva "tithyante cotsavānte vā vratī kurvīta pāraṇa" mitipāraṇāntaṃ vrata jñeyamiti ca vrataśabda sāmānyavacano'pyupavāsaviṣaya eva | tathā "copavāseṣu sarveṣvi"tyuktam