Samayapradipa p150

p150

pālanam | tacca puruṣārthamapi, 1anṛtagaṇamadhye hārītena saṃkalpānṛtaparigaṇanāt | saṃkalparūpatvena vratasya 2karaṇam anupapannaṃ tasyāpi 3saṃkalparūpatvāditi cenna, dānaṃ dadyāditi bahūpapatteḥ | dānapadaṃ 4deyaparamiti cet tarhīhāpi vratapadaṃ 5vrataviṣayībhūtopavāsādiparamastu | yad vā vrataṃ gṛhṇīyād vratamārabhetetyarthaḥ | ārambhaśca prayogādyapadārtha iti vratapadaṃ prayogaparam | 6tadādibhūtaśca padārthaḥ 5 7saṃkalpa eveti pakṣadvaye'pi 8prātareva saṃkalpakaraṇam | kecittu vratapadaṃ saṃkalpapūrvakakarttavyopavāsādiśaktaṃ 9manyante | na cānugamaḥ | saṃkalpapūrvakatvenaivaanugamāt | evaṃ 10tūpavāsādīnāmeva prādhānyaṃ saṃkalpaśca tatrāṅgamityāhuḥ, tanna nāgṛhītaviśeṣaṇanyāyena saṃkalpavācitvasyaiva 11yuktatvāt, saṃkalpaśca mayaitat karttavyamevetyevaṃ niyatākāra iti 12bhavadbhirapi vaktavyameveti 13 anyathā 10 darśapaurṇamāsāderapi vratatvāpatteḥ | sarvatra prayogopakrame 14sābhilāpaḥ saṃkalpaḥ śāstrārtha iti prakramādhikaraṇe 15darśitatvāt, kiṃtvasau kāmanānuvṛttyādupādhiḥ 16saṃkalpānta eva kāmanāvicchede akaraṇe'pi 17na mithyāsaṃkalpadoṣabhāgiteti