Samayapradipa p185

p185

bhṛgurāha sampūrṇaikādaśī yatra prabhāte punareva sā | tatropoṣyā dvitīyā tu parato dvādaśī yadi || (kālamādhava, pṛ0 201) ekādaśī 1daśāyuktā parato'pi na vardhate | gṛhibhiryatibhiścaiva saivopoṣyā sadā tithiḥ || dvādaśīvrate tu dvādaśyāṃ viṣṇupūjā 2pradhānam ekādaśyāmupavāsāṅgamiti 3vakṣyate | tatra dvādaśīkṣaye sati 4dvādaśīviddhaivādartumarhatīti vyaktameva, tithyantareṣvapi gauḍīyavācanikīmeva vyavasthāmicchanti | yadāhuḥ 5pariśiṣṭavacanam yugmāgnikṛtabhūtāni ṣaṇmunyo rvasurandhrayoḥ | rudreṇa dvādaśīyuktā caturddaśyātha pūrṇimā || pratipaddyātvamāvāsyā tithyoryugmaṃ mahāphalam | etad vyastaṃ mahāghoraṃ hanti puṇyaṃ purākṛtam || tithyoryugmamiti sarvatra 6sambadhyate, tenāyamarthaḥ- dvitīyātṛtīyayoḥ caturthīpañcamyoḥ ṣaṣṭhīsaptamyoḥ aṣṭamīnavamyoḥ ekādaśīdvādaśyoḥ caturdaśīpaurṇamāsyoḥ amāvāsyāpratipadoḥ yugmaṃ 7kāmyam | tenaitatsaṃpadyate | dvitīyā tṛtīyāmiśrā svakāryārthaṃ grāhyā, tṛtīyāpi dvitīyāmiśrā ityevaṃ yugāntareṣvapi parasparasahitatithigrahaṇam | na tu 10tithyantare kārye tithyantaravidhiḥ; na cāyugmākhyasya ekasyaiva 11militakālasya