Samayapradipa p196
Samayapradīpa p196
- Language
- Sanskrit
p196
boddhavyam | athavā agnikāryamatra vyāhṛtihomaḥ | 'na 1vyāhṛtihomebhyaḥ paraṃ homa' iti śaṅkhena 3sāmānyato'bhidhānāt devapūjāgnihavanamiti śravaṇāt vratapūjyadevatāmuddiśyaiva homaḥ 4prakramāditi darśitaṃ prāk | adhaḥśayyāmiti khaṭvāvivyāvṛttyarthaṃ na tu bhūmiśayanārthameva anaucitvāt | atra 6kecid naktabhojī ṣaḍācaret ityabhidhānāt 7naktavrateṣu ṣaḍeva dharmāḥ itaratra tu 8prāguktadaśadharmāḥ, ata eva satyahomayoḥ punarupādānaṃ ṣaṭpraveśanārthamuktamityāhuḥ | 'muhūrttonaṃ dinaṃ kecit pravadanti manīṣiṇaḥ | nakṣatradarśanānnaktamahaṃ manye janādhipa || muhūrttaḥ ahnaḥ pañcadaśo bhāgaḥ 'ahno muhūrttā vikhyātā daśa pañca ca sarvadā' iti matsyapurāṇāt | narasiṃhapurāṇe ātmadviguṇacchāyāyāṃ yadā santiṣṭhate raviḥ | sauraṃ naktaṃ vijānīyānna naktaṃ niśibhojanam
Linked texts (3)
- Kṛtyakalpataru — Lakṣmīdhara Bhaṭṭa, Sanskrit
- Vratakāṇḍa — Lakṣmīdhara, Sanskrit
- Samayapradīpa (Śrīdatta Upādhyāya) — Śrīdatta Upādhyāya, Sanskrit