Samayapradipa p333

p333

pitaro mā praṇaśyantu māstu dāmpatyabhedanam | lakṣmyā viyujyate devo na kadācid yathā hariḥ | tathā kalatrasambandho devo mā me 1 viyujyatām || lakṣmyā na śūnyaṃ varada tathā te śayanaṃ sadā | śayyā mamāpyaśūnyāstu tathaiva madhusūdana || gītavāditranirghoṣaṃ devadevasya kārayet | ghaṇṭā bhavedaśaktasya sarvavādyamayī yataḥ || evaṃ sampūjya govindamaśnīyāttailavarjitam | naktamakṣāralavaṇaṃ 2yāvattatsyāccatuṣṭayam || tataḥ prabhāte saṃjāte lakṣmīpatisamanvitām | dīpānnabhājanaiyuktāṃ śayyāṃ dadyādvilakṣaṇām || pādukopānahacchatracāmarāsanasaṃyutām | abhīṣṭopaskarairyuktāṃ 4śuklapuṣpāmbarāvṛtām || 5sopadhāmakaviśrāmāṃ phalairnānāvidhairyutām | tathābharaṇadhānyaiśca yathāśaktyā samanvitām || avyaṅgāya ca viprāya vaiṣṇavāya kuṭumbine | dātavyā vedaviduṣe 6na ca kupyeta kasyacit || 7tatropaveśya dāmpatyamalaṃkṛtya vidhānataḥ | patnyāstu bhojanaṃ dadyād bhakṣyabhojyasamanvitam