Samayapradipa p528

p528

tatrāṣṭamyāṃ bhadrakālī dakṣayajñavināśinī | prādurbhūtā mahāghorā yoginīkoṭibhiḥ saha || ato'rthaṃ pūjanīyā sā tasminnahani mānavaiḥ | upoṣitairvastradhūpamālyairgandhānulepanaiḥ || dīpairannaistathā bhakṣyaiḥ phalamūlaiśca dhānyakaiḥ | āmiṣairvividhairvāpi homairbrāhmaṇatarpaṇaiḥ || 1bilvapatraiḥ śrīphalaiśca candanena ghṛtena ca | paśubhiḥ pāyasai hṛdyaiḥ rātrijāgaraṇena ca || 2durgagṛhe ca śāstrāṇi pūjitavyāni paṇḍitaiḥ | vādyabhāṇḍāni cihnāni kavacānyāyudhāni ca || rātrau ca śilpibhistāni svāni pūjyāni sarvadā | navamyāṃ tu kṛtasnānaiḥ sarvaiḥ pūjyāstu brāhmaṇāḥ || bhuktvā tu śāntiḥ karttavyā yoge godhūlināmāna | yaduktaṃ śālihotreṣu jyotiḥśāstreṣu yan matam || 3atharvavede yat proktaṃ tattadatra samācaret | kṣiptvā sa kukkuṭaṃ chāgaṃ kṛtrime dāruveśmani || śravaṇe cātha sandhyāyāṃ nirddahettad gṛhaṃ tataḥ | nirddahyamānau tau tatra nirgacchantau vibhāvayet || diśaṃ śāntāṃ pradagdhāṃ 4vā tatphalaṃ ca prayacchataḥ | draṣṭavyāścāttaśastrāśca rājñā nīrājane janāḥ