Tithididhiti 3.p1

3.p1

grāhyā | ekādaśī tathā ṣaṣṭhī amāvāsyā caturthikā | upoṣyāḥ
parasaṃyuktāḥ parāḥ pūrveṇa saṃyutāḥ | iti vṛddhavasiṣṭhavacanāt
vināyakanāgavratayostu madhyāhnavyāpinī grāhyā | prātaḥ śuklatilaiḥ
strātvā madhyāhne pūjayennṛpa| iti gaṇapatikalpe madhyāhne vināyakapūjāvidhānāt | yugaṃ madhyaṃdine yatra tatropoṣyā phaṇīśvarān
kṣīreṇāpyāya pañcamyāṃ pārayetprayato naraḥ | iti mādhavīyavacane madhyāhne nāgapūjāvidhānācca | yugaṃ caturthī | iyāṃstvanayorvratayorbhedaḥ | vināyakavrate paradine eva madhyāhnavyāpinī cettaiva grāhyā | dinadvaye madhyāhnavyāptirityādipakṣāntareṣu tṛtīyāviddhaiva-caturthī gaṇanādhasya mātṛviddhā praśasyate | madhyāhnavyāpinī sā tu parataścetpare'hani | iti bṛhaspativacanāt
nāgavrate tu pūrvedyureva madhyāhnavyāpinī cetpūrvaiva grāhyā| pakṣāntareṣu pañcamīvidvaiva | tasyā nāgatithitvena tadyogasya nāgadaivatyavrate
prāśastyakaratvāt | etena gaurīvrate tṛtīyāviddhāpi caturthī
grāhyetyūhyam | tṛtīyāyā api gaurīdaivatyatvena tadyogasya prāśastyakaratvāt | saṃkaṭacaturthīvrataṃ tu candrodaye pūjāvidhānāttatkālavyāpinyāṃ caturthyāṃ kāryam | tatra ca paradina eva
tatkālavyāptipakṣe paraiva grāhyā | dinadvaye candrodayasaṃbandhābhāvātiriktapakṣāntare tu pūrvaviddhaiva | atha vighnapayajiṃ hitvā
caturthī pareti dīpikoktestādṛśasaṃbandhābhāvapakṣe tu paraiva grāhyā,
saṃkalpakālasattvenāhorātrasaṃbandhitvena-yāṃ tithiṃ samanuprāpyeti
bhāskarodayanimittopāditasākalyamavalambya candrodaye'pi sattvena prāśastyāt | iti caturthīnirṇayaḥ