Tithididhiti 4.p1.11

4.p1.11

kātīyānāṃ tu yadyapyaparāhne piṇḍapitṛyajñaścandradarśane'māvāsyāyāmiti sūtre candradarśanamuktaṃ tathāpi tatparamakṣayopalakṣaṇārthaṃ
etatsūtravyākhyāvasare karkacāryairdevaiṣa na purastānna paścāddadṛśa
iti śrutimupanyasyānena ca paramakṣayo lakṣyate | yasminkṣaṇe dadā
tīti śrūyate sa ca paramakṣayaḥ| evaṃ ca paramakṣayaviśiṣṭa eva kāle
piṇḍapitṛyajño nānyathetyuktam | devayājñikairapītthameva vyākhyānāt | evaṃ cādarśanopalakṣitakṣayagāmiparatvalābhārthaṃ sautramamāvāsyāgrahaṇamityāśayenoktavyākhyānte karkācāryairuktaṃ kharvikāyāmāvāsyāyāṃ dṛṣṭe candramasyaparāhne paramakṣaya iti kriyata eva kāle
piṇḍapitṛyajña iti| kharvikālakṣaṇaṃ chandogapariśiṣṭe-saṃmiśrā
yā caturdaśyā amāvāsyā bhavetkvacit | kharvikāṃ tāṃ viduḥ kecidgatādhvāmiti cāpare | iti | samyaṅmiśrā dinamadhyamīlitetyāśārkaḥ | madhyaśabdo na madhyāhnaparaḥ kiṃtu dine militā na
rātrāvityāśayaḥ | kharvikāyāmeva caturdaśyāṃ pitṛyajñopapattau pariśiṣṭa evoktaṃ-aṣṭamaṃśe caturdaśyāḥ kṣīṇo bhavati candramāḥ
amāvāsyāṣṭamaṃśe tu punaḥ kila bhavedaṇuriti | udāhṛtakarkoktisaṃvādivaco yajñapārśve paṭhyate-yasyāṃ saṃdhyāgataḥ somo mṛṇālamiva dṛśyate | aparāhne kṣayastasyāṃ piṇḍānāṃ karaṇaṃ dhruvamiti
aparāhnaścātra dvedhāvibhāgasthastredhāvibhāgastho veti karkadevau,
dvidhāvibhāgastha eveti śrīanantaḥ | tredhāvibhāge śrutyudāharaṇātkarkadevayorādaraḥ | pañcadhāvibhāgasthāparāhnastu na kairapi
kātīyairādṛtaḥ | evaṃ cetthaṃ vyavasthā-rātrisaṃdhau pratipaddine