Tithyarka 3.p1

3.p1

japaṃ homaṃ ca vidhivatkuryāttatra vibhūtaye ||"
iti kālikāpurāṇe navamyāmevoktatvānnavamyāmupakramya navamyāmeva
samāpayet | brāhmaṇānāṃ balidravyāṇi rudrayāmale -
"brāhmaṇena sadā deyaṃ kūṣmāṇḍaṃ balikarmaṇi
śrīphalaṃ vā surādhīśa ! chedaṃ naiva tu kārayet
māṣānnena balirdeyo brāhmaṇena vijānatā |” iti
balidānamantraḥ"baliṃ gṛhṇantvime devā ādityā vasavastathā
marutaścāśvinau rudrāḥ suparṇāḥ pannagā grahāḥ
asurā yātudhānyaśca ye ca vighnavināyakāḥ
jagatāṃ śāntikarttāro brahmādyāśca maharṣayaḥ
mā vighnaṃ mā ca me pāpaṃ mā santu paripanthinaḥ
saumyā bhavantu tṛptāśca bhūtacetāḥ sukhāvahāḥ ||" iti
homadravyāṇyuktāni rudrayāmale -
"pradhānadravyamuddiṣṭaṃ pāyasānnaṃ tilāstathā
kiṃśukaiḥ sarṣapaiḥ pūpaiḥ lājadūrvāṃkurairapi
yavairvā śrīphalairdivyairnānāvidhaphalaistathā
raktacandanakhaṇḍaiśca guggulaiśca manoharaiḥ
pratiślokaṃ ca juhuyātsarvadravyāṇi ca kramāt |” iti
atra yadyapi tṛtīṃyayā pratītāṃ kiṃśukādīnāṃ parasparaṃ nirapekṣasādhanatāṃ vādhitvā 'sarvadravyāṇi ca kramāt' iti vākyaśeṣasteṣāṃ
pratyekaṃ pṛthaksādhanatāṃ vidadhāti, tathāpi-"pāyasaṃ sarpiṣā yuktaṃ tilaiḥ śuklairrvimiśritam
homayedvidhivad bhaktyā daśāṃśena nṛpottama ! ||"
iti ḍāmaratantrādivacanairmiśritānāmeva pāyasādīnāṃ sādhanatā
bodhyā | ślokāḥ saptaśatyāḥ | daśamīkṛtyaṃ rudrayāmale"daśamyāmabhiṣekaṃ ca kṛtvā mūrti visarjayet |” iti
visarjanamantrastatraiva"imāṃ pūjāṃ mayā devi ! yathāśaktiniveditām
rakṣaṇārthaṃ samādāya vraja sthānamanuttamam ||” iti
pāraṇā daśamyāṃ kāryā,
"āśvine māsi śukle tu karttavyaṃ navarātrakam
pratipatsaṃkrameṇaiva yāvacca navamī bhavet ||”