Kaladipa p119

p119

“2evaṃ ca yajanaṃ kuryād varṣe varṣe yudhiṣṭhira | yo vai na pūjayet samyak caṇḍikāṃ bhaktavatsalām || bhasmīkṛtyāsya puṇyāni nirdahatyāvamānitā || ” (devīpu.) “3yadā daivavaśādasmin māse pūjā na jāyate | tadā tu kārttikāṣṭamyāṃ karma caitat prakīrttitam || kṛṣṇāṣṭamīṃ samārabhya yāvacchuklāṣṭamī bhavet | divase divase pūrvaproktaṃ karma praśasyate || āśvine kārttike vā'pi kṛṣṇāṣṭamyāṃ samācaret | sarvakāmārthasiddhayarthaṃ karmedaṃ durlabhaṃ smṛtam || ityādi-(durgākalpaḥ) vacanāt durgārccanaṃ nityaṃ kāmyaṃ ca saṃyogapṛthaktvanyāyena | tatra– dinaiḥ ṣoḍaśabhirnavabhirathapañcabhistribhirdvābhyām | ekena ca yad vihitaṃ kramaśaḥ prastaumi tadvidhānamaham || tatra kṛṣṇāṣṭamyādi śuklāṣṭamyantaṃ pūjanaṃ ṣoḍaśadinātmakam !