Kaladipa p140

p140

daśamī 3kṛṣṇapakṣe tithi rgrāhyā yasyāmastamito raviḥ | śuklapakṣe tithirgrāhyā yasyāmabhyudito raviḥ | iti (mārkaṇḍeyapu) vacanāt kṛṣṇadaśamī pūrvaviddhā, śukladaśamī paraviddhā grāhyā | ataeva mādhavācāryāḥ— “kṛṣṇā pūrvottarā śuklā daśamyevaṃ vyavasthitā |” daśaharā daśamī •4jyeṣṭhasya śukladaśamī saṃvatsaramukhī smṛtā | tasyāṃ snānaṃ prakurvīta dānaṃ caiva viśeṣataḥ || yāṃ kāñcit saritaṃ prāpya dadyād darbhaistilodakam | mucyate daśabhiḥ pāpaiḥ sumahāpātakopamaiḥ || (skandapu.) atra kevaladaśamyāṃ nadīmātre darbhakaraṇakatilatarpaṇoṅggasnāna|daśavidhapāpakṣayaḥ | evaṃ dānādiṣvapi | “1jyeṣṭhe māsi site pakṣe daśamī hastasaṃyutā | harate daśapāpāni tasmād daśaharā smṛtā ||” (brahma 63-11) “jyeṣṭhe śukladaśamyāṃ tu¹ bhaved bhaumadinaṃ yadi | jñeyā hastarkṣasaṃyuktā sarvapāpaharā tithiḥ || (bhaviṣyapu.) kevaladaśamī puṇyā | hastānakṣatrasaṃyuktā puṇyatarā | bhaumavāre hastarkṣasaṃyuktā puṇyatamā | daśapāpāni yathā (manuḥ)— adattānāmupādānaṃ hiṃsā caivāvidhānataḥ | paradāropasevā ca kāyikaṃ² trividhaṃ smṛtam || (12-7) pāruṣyamanṛtaṃ caiva³ paiśunyaṃ cāpi sarvaśaḥ