Kaladipa p147

p147

ekādaśī ekādaśyupavāso nityaḥ | 'upoṣyaikādaśī nitya"miti (garuḍapu) | "ekādaśī sadopoṣyā"ti | (sanatkumārasaṃhitā) tathā¹- ekādaśyāṃ na bhuñjīta pakṣayorubhayorapi | vanasthayatidharmo'yaṃ śuklāmeva sadā gṛhī || (bṛ.nāradīyapu. 21-4) ²tathā- śayanī bodhinīmadhye yā kṛṣṇaikādaśī bhavet | saivopoṣyā gṛhasthena nānyā kṛṣṇā kadācana || (brahmavai.pu.) atra kṛṣṇāniṣedhaḥ vrataviṣayaḥ | yāni kāni ca pāpāni brahmahatyādikānya³pi | annamāśritya tiṣṭhanti samprāpte harivāsare || (vṛ nāradīyapu.21 na bhoktavyaṃ na bhoktavya samprāpte harivāsare | (kūrma-skandapu.) "niṣkṛtirmadyapasyoktā dharmaśāstre manīṣibhiḥ || ekādaśyannakāmasya niṣkṛtiḥ kvāpi noditā | madyapānānmuniśreṣṭha pātaivai narakaṃ vrajet || ekādaśyannakāmastu pitṛbhiḥ saha majjati | (sanatkumārasaṃhitā) iti bhoja⁴nasya niṣiddhatvāt kṛṣṇāyāmapi bhojanaṃ⁴ na kāryam | ekādaśīṣu kṛṣṇāsu ravisaṃkramaṇe tathā | candrasūryoparāge ca na kuryāt putravān gṛhī || (kātyāyanaḥ) saṃkrāntyādiviṣaye jaiminiḥ-tannimittopavāsasya niṣedho'yamudāhṛtaḥ | nānuṣaṅgakṛto grāhyo yato nityamupoṣaṇam