Kaladipa p65

p65

parā itareṣu pañcasu bhedeṣu jayāyogasya prāśastyāt pūrvedyureva sā bhavati | yadā pūrvedyureva madhyāhnavyāpinī tadā nāgacaturthī pūrvā itareṣu pañcasu bhedeṣu pañcamīyogasya prāśastyāduttarā bhavati | tat prāśastyañca pañcamyāṃ pūjayediti vacanādavasīyate | caturthī tu paropoṣyā gaṇanādhavratasya tu | madhyāhnavyāpinī pūjyā tadvannāgacaturthyapi || paredyureva madhyāhnavyāptau vighnasya sottarā | anyathā pūrvavidvaiva mātṛyogapraśastitaḥ || iti mādhavācāryāḥ | "caturthyāṃ ca gaṇeśasya gauryāścaiva vidhānataḥ | pūjāṃ kṛtvā labhet siddhiṃ saubhāgyañca naraḥ kramāt ||” iti liṅgapurāṇavacanāt | siddhisaubhā̍gya̱̍viśiṣṭaphalakāmo yasyāṃ kasyāñcit caturthyāṃ gaurīgaṇeśau pūjayet | pūjākālavyavasthā tu vināyakavratavat draṣṭavyā | tasmin viśe̍ṣānabhidhānāt