Kaladipa p71

p71

1‘‘sīmantaṃ pretakṛtyañca navaśayyā navaḥ śaśī’’ | (viṣṇupu. 13-42) ‘‘malamāse'pi karttavyaṃ nimittavihitaṃ ca yat’’ ||iti (smṛtyantaram) vacanāt siṃhe malamāsapāte'pi candradarśanaṃ niṣiddham | māghaśuklacaturthī māghaśuklacaturthyāṃ tu gaurīmārādhayed budhaḥ | caturthī varadā nāma gaurīṃ tatra prapūjayet || (nāradaḥ) tathā1- caturthī varadā nāma tasyāṃ gaurī supūjitā | saubhāgyamatulaṃ kuryāt pañcamyāṃ śrīrapi 2śriyam || (dhavalasaṃgrahaḥ) iti vacanāt varadācaturthyāṃ saubhāgyakāmo gaurīṃ pūjayet | vratasāmānyāt sodayatrimuhūrttavyāpikālaḥ karmakālaḥ | yugmādivā3kyena parāviddhā grāhyā | paradine pūrvāhṇavyāpitve4 pūrvadine vratam | 2gauryāḥ śuddhā jayāpyastu nāgaviddhā niṣidhyate || iti (mādhavā.)