Kaladipa p90

p90

triyāmāṃ1 rajanīṃ prāhustyaktvādyantacatuṣṭayam | nāḍīnāṃ tadubhe sandhye divasādyantasaṃjñite (brahmavaiva.pu.) ityanena pūrvasya tatkālasya pūrvatithisambandhidinakarmāṅgatvena itarasya itarāṅgatvenābhidhānāt | ataeva dakṣeṇa2 tatkālamārabhyāhnikakṛtyamabhihitam | atrāruṇodayakāle muhūrttanyūnatithilābha eva snānam | vratopavāsasnānādau ghaṭikaikā yadā bhavet | udaye sā tithirgrāhyā śrāddhādāva2stagāminī | (viṣṇudharmottarapu) atra ghaṭikā 3muhūrttam | śrāddhayogyakālānurodhāt | atra māgha3māsanimittakamāghasaptamīnimittakakāmyasnānayostu prātarvidhānānnaimittikatvena prāyaścittavat sakṛdanuṣṭhānam | pradhānasyākriyā yatra sāṅgaṃ tat kriyate punaḥ | tadaṅgasyākriyāyāṃ tu nāvṛttirna ca tatkriyā | iti kātyāyanavacanāt | na snānamācared bhuktvā nāturo na mahā4niśi | na vāsobhiḥ sahājasraṃ nāvijñāte jalāśaye || iti-(manuḥ 4-126)